Një aksident ka ndodhur ditën e djeshme në rrugën Tiranë-Ndroq ku për pasojë një person ka mbetur i vdekur.
Dyshohet se drejtuesi i mjetit është larguar menjëherë nga vendngjarja pas aksidentit.
Policia po vijon punën për kapjen e tij.
Njoftimi i policisë:
Më datë 13.04.2021, në rrugën Tiranë-Ndroq, në fshatin Varosh, është gjetur pa shenja jete shtetasi S. M., 54 vjeç.
Dyshohet se mund të jetë aksidentuar nga një mjet ende i paidentifikuar, i cili është larguar nga vendi i ngjarjes.
Punohet për identifikimin dhe kapjen e autorit. Materialet i kaluan Prokurorisë, së Rrethit Gjyqësor Tiranë, për veprime të mëtejshme.
