Yjet sot nxisin reflektim, përballje me tensionet dhe rikthim të qetësisë në marrëdhënie.
Disa shenja do ndihen më të përfshira emocionalisht, të tjerat do përballen me konkurrencë dhe vendime të rëndësishme në sferën profesionale.
Lexoni më poshtë çfarë thotë Paolo Fox për këtë të premte për çdo shenjë – nga dashuria te puna dhe energjia që ju shoqëron.
Dashi (21 Mars – 19 Prill)
Gjatë kësaj jave ka qenë normale të përballesh me momente konflikti, dhe e premtja sjell me vete një farë vështirësie. Por jo çdo gjë që ndjehet si e kundërt është vërtet negative. Qasja jote kritike shpesh rrjedh nga tensione të akumuluara në të kaluarën. Për të kaluar këtë periudhë, do të ishte mirë të përpiqesh të jesh më optimist. Marsi në një pozicion të pafavorshëm ka sjellë zhgënjime, sidomos nëse ke investuar kohë dhe energji në një projekt që të tjerët nuk e kanë vlerësuar siç duhet. Në këtë kontekst, mos lejo që kritikat apo pritshmëritë e të tjerëve – që shpesh burojnë nga zilia – të të pengojnë. Sot dhe nesër përqendrohu aktivisht te e ardhmja jote. Edhe pse mund të ketë keqkuptime apo provokime, do të jetë thelbësore t’i kapërcesh me vendosmëri dhe pozitivitet. Merr kontrollin dhe shiko përpara – janë në horizont mundësi që mund të rezultojnë shumë premtuese.
Demi (20 Prill – 20 Maj)
Kjo është një periudhë domethënëse për Demin – ke mundësinë të përfshihesh në mënyrë ndryshe nga e kaluara. Pranimi i një roli të ri apo ndërmarrja e një iniciative që përfshin pak rrezik mund të jetë stimulues, edhe pse për ty nuk është gjithmonë e lehtë të pranosh ndryshimet. Si një shenjë që e vlerëson stabilitetin dhe traditën, mund të ndihesh në dyshim – por ky është momenti për të zgjeruar horizontin. Hëna dhe Afërdita në pozicion të favorshëm ofrojnë një shans të mirë për të eksploruar anën emocionale të jetës. Këto ditë janë të favorshme për dashurinë dhe marrëdhëniet. Prilli do të jetë një muaj veçanërisht i rëndësishëm për ty – kthimi i një jete emocionale të gjallë është i garantuar. Jepu hapësirë miqësive të reja dhe lidhjeve të reja sociale. Kjo periudhë premton mjaft suksese për ata që punojnë në kontakt me publikun – si artistët, krijuesit dhe interpretët.
Binjakët (21 Maj – 20 Qershor)
Po vijnë ditë kreative dhe mjaft të favorshme për ata që drejtojnë një aktivitet të tyren ose janë të angazhuar në projekte inovative. Sot është momenti për të reflektuar mbi dy fusha themelore të jetës: dashurinë dhe financat. Në dashuri duket se ka tension. Një histori nga e kaluara mund të kthehet në mendje ose madje të shfaqet sërish në formë diskutimesh – kjo mund të gjenerojë stres, sidomos nëse ka çështje ekonomike të pazgjidhura apo sfida ligjore. Duhet të veprosh me qetësi dhe kthjelltësi. Në disa raste, distancimi mes partnerëve vjen për arsye praktike – punë, angazhime apo përgjegjësi që nuk ju lejojnë të kaloni kohë së bashku. Mërkuri dhe Afërdita mund të krijojnë disa pengesa të vogla, por jo bllokime të vërteta – janë më shumë sfida që duhen kaluar me përkushtim dhe komunikim. Kujdes nga polemikat dhe konkurrenca – ka shumë tension rreth teje.
Gaforrja (21 Qershor – 22 Korrik)
Hëna që ndodhet në shenjën tënde të jep një mundësi unike për të rikuperuar afeksionin dhe lidhjet emocionale. Kjo është periudha ideale për të sheshuar tensionet e akumuluara, sidomos pas një muaji mars të vështirë dhe plot paqartësi në dashuri. Shumë Gaforre janë ndjerë të pambrojtura, duke u ekspozuar ndaj ndjenjave që në vend të përfitimeve, sollën konflikte dhe zhgënjime. Tani, me ndikimin e Hënës, është momenti i duhur për të rikthyer qetësinë dhe për të rihapur veten ndaj ndjenjave. Është e kuptueshme nëse ke zgjedhur të izolohesh për të mbrojtur veten, por mos harro se mbyllja nuk është zgjidhje. Ri-afrimi me të tjerët dhe hapja ndaj dashurisë do të sjellin shërim dhe stabilitet. Ke përpara 48 orë të vlefshme për të hedhur hapin e parë drejt rikuperimit të lidhjeve të rëndësishme. Përdore këtë kohë për të rivendosur kontaktet dhe për të ndërtuar marrëdhënie më të shëndetshme, duke lënë pas tensionet e së kaluarës.
Luani (23 Korrik – 22 Gusht)
Yjet janë të favorshme për Luanin, veçanërisht në prag të së dielës. Prania e Hënës në shenjën tënde shton energjitë pozitive dhe e bën këtë periudhë ideale për t’u rilidhur me të tjerët. Nëse ke përjetuar një shkëputje apo një krizë sociale, tani paraqitet mundësia për t’u rishfaqur me një energji të re. Pas një periudhe çekuilibrash, shumë Luanë po rifitojnë dëshirën për të qenë aktivë në jetën shoqërore. Kjo është një kohë e mirë për të spikatur, për të tërhequr vëmendjen dhe për të përjetuar gëzim nëpërmjet kontakteve të reja. Një takim i rastësishëm mund të sjellë shumë gëzim. Yjet theksojnë rëndësinë e lehtësisë dhe gëzimit – veçanërisht për ata që kanë kaluar vështirësi emocionale në të kaluarën. Do jetë më e lehtë të shprehësh ndjenjat dhe të ndërveprosh me të tjerët. Nëse ka dikë që i përgjigjet ndjenjave të tua, planifiko një takim për të dielën. Kjo mund të jetë një fazë vendimtare për të forcuar lidhje ose për të ndërtuar një të re.
Virgjëresha (23 Gusht – 22 Shtator)
Pozicioni i favorshëm i Hënës është një sinjal pozitiv dhe të ndihmon të rimarrësh kontrollin. Që prej 20 marsit ka pasur një përmirësim të dukshëm, dhe një tjetër hap përpara pritet më 20 prill. Megjithatë, përgatitu për një periudhë sfidash deri nga mesi i qershorit, kur do të jetë e nevojshme të rishikosh disa marrëveshje apo angazhime. Disa pasiguri profesionale kanë filluar të qartësohen – kjo është shenjë e mirë. Në dashuri, dinamika po ndryshon. Gjërat që dikur i toleroje, tani mund të të duken të papranueshme. Ekziston rreziku që vëmendja jote të largohet nga partneri dhe të përqendrohet diku tjetër. Mos u mbyll emocionalisht dhe mos e humb interesin për të tjerët për shkak të lodhjes. Përdor durim në këtë fazë – marrëdhëniet kanë nevojë për kohë që të stabilizohen. Është thelbësore të mos lejosh emocionet negative të të mbizotërojnë.
Peshorja (23 Shtator – 22 Tetor)
Sot ndihesh paksa i lodhur për shkak të ndikimit kritik të Marsit. Nëse i rikthehesh së kaluarës, mund të vësh re tensione që dalin sërish në sipërfaqe. Është e rëndësishme të vetëdijesohesh për këto dinamika dhe të përpiqesh të kalosh këtë fazë shqetësimi. Ka nga ata që kanë kaluar një periudhë të vështirë shëndetësore ose emocionale dhe ende nuk janë rimëkëmbur plotësisht. Së fundmi, disa ndalesa në jetë kanë ardhur si pasojë e mungesës së forcës apo vështirësive në marrëdhënie. Megjithatë, pozicioni aktual i Afërditës është mjaft i favorshëm – nuk është më kundër, siç ishte në mars. Kjo situatë planetare ofron mundësinë për të rishikuar me kujdes ndryshimet e bëra gjatë vitit të fundit dhe për të arritur rezultate më të mira, si në bashkëpunime, ashtu edhe në çështje profesionale. Sot dhe nesër mund të shfaqen mundësi konkrete. Kujdes nga ndjenja e melankolisë që mund të të zërë në befasi – fokusoji energjitë te ajo që mund të kontrollosh dhe përpiqu të ruash një qasje pozitive. Mos u shtir si i fortë – sytë e tu tregojnë natyrën e mirë dhe të ndjeshme që ke.
Akrepi (23 Tetor – 21 Nëntor)
Ditët në vijim janë shumë premtuese, prej ndikimit pozitiv të Hënës dhe aspektit të shkëlqyer të Marsit. Kjo konfigurim qiellor të fton të përjetosh ndjenjat dhe të mos lejosh emocionet negative të marrin kontrollin. Sidomos sot, mund të ndodhë diçka e re dhe stimuluese – si një propozim bashkëpunimi ose një telefonatë e gëzueshme. Yjet tregojnë se ke mundësi reale për të fituar beteja profesionale dhe personale, në varësi të qëllimeve dhe historikut tënd. Mos bjer në grackën e pesimizmit – përkundrazi, shmang situatat e ndenjura dhe jep vetes lejen për të eksploruar mundësi të reja. Në aspektin sentimental, pas një periudhe të stuhishme në dhjetor dhe janar, shumë po rigjejnë harmoninë dhe bashkëpunimin. Ky është moment i shkëlqyer për ata që kanë pasion për aktivitete krijuese dhe që kanë investuar me mençuri në të kaluarën. Brenda verës priten telefonata ose lajme shumë të rëndësishme.
Shigjetari (22 Nëntor – 21 Dhjetor)
Aktualisht je në një fazë rikuperimi, por është thelbësore të tregosh kujdes, veçanërisht për çështje që lidhen me financat dhe punën. Me Jupiterin në kundërshti, ende ekziston rreziku që situatat e ndërlikuara të përkeqësohen. Shmang konfliktet e panevojshme dhe reflekto mirë përpara se të ndërmarrësh hapa të rëndësishëm. Nëse së fundmi ke ndier nevojën për të ndaluar dhe për të rishikuar zgjedhjet e tua, është e mundur që përpara qershorit do të duhet të bësh disa ndryshime pozitive. Është e rëndësishme të prezantohesh me një energji të re dhe të përpiqesh të përshtatesh me rrethanat aktuale. Në disa raste, mund të jetë e vështirë të shprehësh mendimet dhe ndjenjat qartë – ndaj kushto vëmendje komunikimit. Në dashuri, mund të ketë ende dyshime apo pasiguri. Reflekto mbi tensionet e shfaqura, sidomos gjatë të mërkurës dhe të enjtes që sapo lamë pas. Nëse ke pasur konflikte apo keqkuptime, përpiqu të mos i përsëritësh. Fokusi yt duhet të jetë maturia dhe komunikimi i qartë, si në punë ashtu edhe në marrëdhënie, për të përballuar me sukses këtë periudhë tranzicioni.
Bricjapi (22 Dhjetor – 19 Janar)
Priten sfida. Në ajër ndihet një lloj tensioni dhe bezdie që vjen nga konflikte të vogla në jetën e përditshme. Kjo situatë ndikohet nga Marsi kundër, i cili ka sjellë tensione javët e fundit. Sa herë del një problem në shtëpi apo në punë, shpesh përfundon duke qenë ti ai që përpiqet ta zgjidhë. Të tjerët, megjithëse duket se interesohen, përfitojnë nga përkushtimi yt. Kjo të bën të ndihesh i shfrytëzuar ose i pavlerësuar. Për më tepër, ndërrimi i Hënës që ndodh sot ose nesër mund të sjellë provokime të vogla në marrëdhëniet personale. Edhe pse qielli është më aktiv se në mars, është e rëndësishme të mos kthesh mendjen pas. Disa dyshime të vjetra rikthehen – përballoji me qetësi për të shmangur keqkuptime të mëtejshme. Gjej pak kohë për të reflektuar mbi këto dinamika dhe mos hezito të shprehësh ndjenjat – qoftë ndaj të tjerëve, qoftë ndaj vetes. Një komunikim i hapur mund të ndihmojë për të zgjidhur ngërçe dhe për të krijuar më shumë ekuilibër në marrëdhënie.
Ujori (20 Janar – 18 Shkurt)
KJo fundjavë sjell një moment eksperimentimi në marrëdhëniet romantike. Është një periudhë ku përjetimet dhe ndjesitë e veçanta janë më të pranishme – dhe ato pasurojnë lidhjet emocionale. Ujorët, të njohur për natyrën e tyre të pavarur dhe mendjehollë, zakonisht marrin kohën e tyre përpara se të marrin vendime të mëdha si bashkëjetesa apo martesa. Kujdes nga vendimet e nxituara në këtë fushë – mund të pendohesh më vonë. Nga ana tjetër, klima astrologjike e tanishme të jep një shtysë pozitive për nisma profesionale. Ky është momenti për të sjellë risi në jetën tënde dhe për t’u futur në aventura të reja – sidomos në ato që lidhen me krijimtarinë. Ke mundësinë dhe energjinë për t’i kthyer idetë në realitet dhe për t’u rikthyer në lojë. Në dashuri, është e rëndësishme të ndjesh dhe të përgjigjesh ndaj thirrjes së emocioneve. Lidhjet romantike mund të japin shumë kënaqësi nëse je i hapur ndaj eksperiencave të reja. Ky fundjavë është ideal për të forcuar marrëdhënie ekzistuese ose për të njohur dikë të ri.
Peshqit (19 Shkurt – 20 Mars)
Ditët e fundit kanë qenë të karakterizuara nga paqartësi, sidomos të mërkurën dhe të enjten. Kjo fazë e turbullt po shkon drejt një zgjidhjeje pozitive. Deri të dielën ke mundësinë për të sheshuar mosmarrëveshjet dhe për të sqaruar çdo keqkuptim, sidomos nëse ke përjetuar një krizë në marrëdhënie apo ke pasur vështirësi me njerëzit përreth. Nuk je nga ata që kërkon konflikte – përkundrazi, gjithmonë përpiqesh të ruash paqen. Por ndoshta ke pasur të bësh me njerëz të vështirë, të stresuar apo konkurrues, dhe kjo e ka bërë situatën më të ndërlikuar. Gjatë dy ditëve të fundit ke tentuar të pajtosh palët ose të qetësosh një situatë – tani është koha të marrësh pak kohë për veten. Pushimi do të ndihmojë jo vetëm për të rimbushur energjitë, por edhe për të parë gjërat më qartë. Dashuria dhe energjia janë në anën tënde – ky është momenti ideal për t’u fokusuar në emocionet pozitive dhe në lidhjet që të japin mirësi. Shfrytëzo këtë fazë për të forcuar marrëdhëniet e mira dhe për t’u kujdesur për veten – kjo do të të japë forcën për të përballuar çdo sfidë të ardhshme. /noa.al
