Inceneratori i Tiranës, Vasili: Veliaj dhunon Ligjin e Pushtetit Lokal, asgjëson Këshillin Bashkiak, po SPAK- u ç’pret akoma?

Nënkryetari i Lëvizjes Socialiste për Integrim, Petrit Vasili, deklaron se projekti i Inceneratorit të Tiranës është miratuar vetëm nga kryetari i bashkisë së Tiranës, Erion Veliaj, i cili është shprehur “parimisht dakord” mbi studimin e fizibilitetit.

Por, thotë Vasili, Veliaj nuk ka asnjë të drejtë për ta miratuar projektin me angazhim financiar për plot 30 vjet.

Postimi i plotë:

Veliaj dhunon Ligjin e Pushtetit Lokal,”asgjëson Këshillin Bashkiak për Inceneratorin e Tiranës, SPAK- u ç’pret akoma!

Projekti i Inceneratorit të Tiranës është miratuar vetëm nga kryetari i bashkisë së Tiranës, Erion Veliaj, i cili është shprehur “parimisht dakord” mbi studimin e fizibilitetit.

Por Veliaj nuk ka asnjë të drejtë për ta miratuar projektin me angazhim financiar për plot 30 vjet.

Veliaj vetëm sa e propozon buxhetin e Bashkisë.

I vetmi institucion, që miraton buxhetin është Këshilli Bashkiak.

Neni 54 pika pika “dh” e Ligjit të Vetëqeverisjes Vendore është asgjësuese.

Veliaj si haxhi qamil i vërtetë, vetë shkruan e vetë vulos dhe nuk njeh as ligj e as shtet.

Miratimi personal i Veliajt pa vendimin e Këshillit Bashkiak është:

1. Privatizimi i Bashkisë së Tiranës;

2. Vepër korruptive;

3. Rrëmbim i kompetencave pa ligj dhe shpërdorim detyre.

SPAK e ka shumë të lehtë detyrën!

Po nuk veproi do thotë vetëdjegie e SPAK në Incenerator!