Yuri Kim zbret në terren, takon Ballën, Bardhin dhe Kryemadhin! Kryetarja e LSI: Ambasadorja donte relax, s’është takim pune… ju filmoni ata që s’hanë bukë jo këto

ELBASAN-Kryetarja e Lëvizjes Socialiste për Integrim, Monika Kryemadhi ndodhet në Elbasan aty ku do të zhvillojë një takim me ambasadoren e Amerikës, Yuri Kim.

Kryemadhi mësohet se i ka thënë gazetarëve se duhet të filmojnë ata që Rama i mbyt me taksa si dhe është shprehur se ambasadorja ka nevojë që të relakosohet.

‘Filmoni ata që i mbyt Rama me taksa. Ka nevojë të relaksohet ambasadorja. Pse me filmoni, filmoni ata që nuk kanë bukë.’- ka thënë Kryemadhi.

Ambasadorja Yuri Kim ndodhet ditën e sotme në Elbasan, aty ku po zhvillon takime të njëpasnjëshme me disa nga drejtuesit politik. Kim është takuar fillimisht me Ballën, Bardhin, pak minuta më parë me Kryemadhin ndërsa pritet që të takohet dhe me Hajdarin.