Nëna e katër fëmijëve i jep fund jetës duke u vetëvarur, apeli i trishtë i bashkëshortit: S’kam para për funeralin!

Një ngjarje e rëndë është regjistruar sot në një fshat të Gramshit. Ngjarja ndodhi sot rreth orës 16:00 në fshatin Kukur. Mësohet se një grua, nënë e katër fëmijëve, është gjetur nga familjarët e vetëvarur në kasollen e bagëtive.

Bhet fjalë për Fatme Senko, 36 vjeçe, ndërsa mendohet se kushtet e vështira ekonomike kanë detyruar gruan që të kryejë aktin e rëndë.

Bashkëshorti i të ndjerës, teksa përballet me dhimbjen për humbjen e gruas së tij, dhe nënës së fëmijëve, apelon për ndihmë. Ai kërkon që dikush të vërë dorën në zemër dhe të mundësojë shpenzimet e varrimit, pasi ai nuk ka mundësi financiare.

Policia po heton rreth zbardhjen e ngjarjes në fjalë.