Ndahet nga jeta para kohe ish-zyrtari i njohur i Partisë Demokratike

Ndërron jetë para kohe ish-zyrtari i njohur i Partisë Demokratike Alfons Muça.

Lajmin e hidhur e bën me dije babai i të ndjerit në rrjetet sociale. “Me dhimbje, ju njoftojmë largimin nga jeta të djalit tim Alfons Muça”, shkruan Aqif Muça.

Deputeti i zgjedhur i PD-së, Belind Këlliçi gjithashtu ka shprehur ngushëllimet përmes një postimi në rrjetet sociale.

“Do të të mbaj mend përherë të buzëqeshur e optimist Alfons Muça. Ngushëllimet më të ndjera familjes e miqve të Fonsit. RIP e qofsh i Xhehnetit”, shkruan Këlliçi.

Alfons Muça ka mbajtur postin e drejtorit në kohën kur Bashkia e Tiranës drejtohej nga Lulzim Basha.

Nderimet e fundit do të kryhen pranë shtepisë funerale Alba 2000 dt 04.07.2021 deri ditën e shtunë dt 10.07.2021.

Përcjellja për në varrezat e Sharrës : Ora 13:00 datë 05.07.2021 , nisja nga agjensia funerale Alba 2000