Horoskopi i Paolo Fox për javën nga 3 deri në 9 qershor 2024 do t’ju lejojë të zbuloni paraprakisht se çfarë kanë rezervuar planetët për ditët në vijim, shenjë pas shenje.
Vallë, kush do të jetë i preferuari i yjeve dhe kush do të duhet të armatoset me guxim dhe të përballet me sfidat e qiellit?
Do ta zbuloni në rreshtat e mëposhtëm, duke lexuar pasqyrën javore astrologjike të Paolo Fox, astrologut shumë të ndjekur të Radio Lattemiele në Itali, një përkthim ekskluziv i noa.al nga transmetimi radiofonik.
Dashi: Duket se e nisni me këmbë të mbarë këtë javë të re. Të hënën në fakt do të keni Marsin në shenjën tuaj, e krahas tij, Diellin, Venusin, Mërkurin dhe Jupiterin në aspektin pozitiv. Të enjten do të ketë një hënë të re të bukur që do të shkëlqejë në qiellin e Binjakëve, shenja mike e Dashit. Fokusoni gjithçka në pjesën qendrore të javës, nëse dëshironi të organizoni intervista pune ose të keni takime të reja. Fundjava pritet të jetë e qetë.
Demi: Të hënën dhe të martën Hëna do të jetë në shenjë: do të keni më shumë forcë, intuitë të mira dhe dëshirë për të dashuruar. Mërkuri do t’ju përshëndesë për t’u zhvendosur në Binjakët fqinjë. Do të jetë një javë interesante, pa kundërshtime planetare. Tani e tutje do të jeni në gjendje të rikuperoni nga çdo këndvështrim dhe të çliroheni përfundimisht nga ata njerëz që kanë qenë të pabesë ndaj jush. Fundjavë ppremtuese ju pret.
Binjakët: Të hënën do ta mirëpresi Mërkurin në shenjën tuaj: lajm i mirë! Të mërkurën dhe të enjten Hëna do të jetë në shenjën tuaj: një premtim veçanërisht stimulues për një 48 orësh enkas për dashurinë, por edhe për punën dhe mundësitë e reja. Ju jeni një nga protagonistët e mëdhenj të kësaj jave: duhet të jeni të zënë, të hidheni në një iniciativë të re.
Gaforrja: Të hënën dhe të martën do të ketë një Hënë të bukur që do t’ju mbushë me vitalitet të ri, kreativitet të mirë, dëshirë për të takuar njerëz të rinj. Dashuria mund të zgjohet nga hiçi. E shtuna dhe e diela janë ditët më të mira të javës, në sajë të kalimit hënor në qiellin tuaj. Më në fund po çliroheni nga të gjitha ato mendime dhe frikëra që ju kanë torturuar për një kohë të gjatë.
Luani: Siç tregon horoskopi i Paolo Fox, java juaj do të fillojë paksa me nervozizëm. Të hënën dhe të martën, në fakt, Hëna do të jetë në aspektin e kundërt: përpiquni të bëni shumë kujdes dhe të shmangni diskutimet e panevojshme. Të mërkurën dhe të enjten do të keni një qiell të favorshëm që do t’ju lejojë të bëni hapa gjigantë në çdo fushë të jetës tuaj. Përfitoni sa më shumë nga këto ditë, duke bërë projekte të reja ose duke e vënë veten në linjë të qëndrueshme në dashuri.
Virgjëresha: Të hënën dhe të martën Hëna do të jetë në një aspekt harmonik: mos i nënvlerësoni idetë dhe intuitat që do të keni. E sigurt është se duke patur shumë yje në aspektin armiqësor, kjo nuk do ta bëjë jetën tënde të lehtë. Polemikat, siguri e pakësuar dhe mungesë mbështetjeje në punë dhe në dashuri po ju heqin qetësinë. Të mërkurën dhe të enjten do të duhet të bëni kujdes maksimal, përndryshe rrezikoni të grindeni me të gjithë botën. Kurse të shtunën dhe të dielën shihini si ditët e rimëkëmbjes.
Peshorja: Të hënën do të keni aktivë Diellin, Venusin, Mërkurin dhe Jupiterin: është një periudhë që mund t’ju bëjë të përjetoni kënaqësi të madhe, dashuri të reja, por edhe hakmarrje personale. Nuk duhet të rezistoni, duke mbetur të mbërthyer pas së shkuarës, por t’i hapni vetes mundësi të reja, si në dashuri ashtu edhe në punë. E mërkura dhe e enjtja do të favorizojnë takime të reja. Fundjava, në rrezik të humorit të keq: jini të kujdesshëm.
Akrepi: Të hënën dhe të martën Hëna do të jetë në kundërshtim: do të duhet të tregoheni dyfish të kujdesshëm, të shmangni ngritjen e polemikave të reja ose reagimin ndaj provokimeve. Gjysma e dytë e javës do të jetë më e mirë: do të favorizohen njohjet e reja dhe projektet në çift. Mërkuri gjithashtu nuk do të jetë më i kundërt: më në fund do të fillojë një periudhë rikuperimi, edhe në punë dhe tek të ardhurat.
Shigjetari: Sipas horoskopit të Paolo Fox java do të fillojë me shumë tension. Të hënën, Mërkuri do të bëhet i kundërt, ashtu si Dielli, Venusi dhe Jupiteri. Për më tepër, të mërkurën dhe të enjten do të duhet të përballeni me Hënën e kundërt: do të jetë një javë e ndërlikuar, si në punë ashtu edhe në dashuri. Do të duhet të jeni jashtëzakonisht të kujdesshëm, për të shmangur debatin me dikë.
Bricjapi: Të hënën dhe të martën do të ketë një hënë të mrekullueshme tek Demi për t’ju dhënë emocione të bukura dhe intuitë të mirë. Ju presin ditë interesante për fillimin e projekteve të reja të punës, por edhe për rizgjimin e ndjenjës. Vetëm të shtunën dhe të dielën mund të ndiheni pak të lodhur ose më të shqetësuar se zakonisht.
Ujori: Të hënën dhe të martën Hëna do të jetë në kuadraturë: kujdes nga nervozizmi. Shmangni telashet e panevojshme. Të mërkurën një hënë e re e mrekullueshme do të zgjojë dashurinë. Edhe ata që mendonin se kishin mbaruar “punë” me një person, mund të vendosin papritur të ndjekin hapat e tyre. Të hënën edhe Mërkuri do të aktivizohet sërish dhe nuk do të keni më asnjë pengesë astrale.
Peshqit: Të hënën dhe të martën mund të mbështeteni në një Hënë dashamirëse për të rikuperuar pak më shumë harmoni. Të mërkurën dhe të enjten, përkundrazi, do të keni kundër vetes Diellin, Hënën, Venusin, Jupiterin dhe Mërkurin: këto janë ditë që kërkojnë kujdes të veçantë. Shtyni vendimet e rëndësishme deri në gjysmën e dytë të muajit. Fundjavë rikuperimi. /noa.al
