“Ai që qëndron në Shqipëri dhe ëndërron atdhe më të mirë është hero”, Meta publikon mesazhin e imzot Frendos në prag të festës së Pashkëve

Presidenti Ilir Meta ka publikuar në “Facebook” një mesazh të rëndësishëm të presidentit të Konferencës Ipeshkvnore të Shqipërisë, imzot George Frendo.

Frendo shprehet se “ai që qëndron në Shqipëri, duke ëndërruar atdhe më të mirë është hero”. Meta thekson se ky është mesazh shumë me rëndësi për rininë e vendit.

Postimi i presidentit Ilir Meta:

Duke e falenderuar Presidentin e Konferencës Ipeshkvnore të Shqipërisë dhe të gjithë udhëheqësit tanë të ndritur fetarë, që në momentet më kritike për vendin dhe në ditët më të vështira për çdo shqiptar në nevojë, kanë sjellë shpresë për kapërcimin e çdo sfide, i bashkohem thirrjes së Tij drejtuar në veçanti të rinjve: “Shqipëria ka nevojë për ju! Jeni e ardhmja e saj!”.