Aktori turk konfirmon lidhjen me prezantuesen italiane dhe gjërat qenkan serioze.

Disa ditë më parë, mediat italiane dhe ato turke shpërndanë me shpejtësi lajmin se aktori i njohur me origjinë shqiptare, Can Yaman, është në një lidhje dashurie me prezantuesen italiane, Diletta Leotta

Shkak u bënë disa foto paparaci, të cilat qarkulluan në portale, por as aktori dhe as prezantuesja italiane nuk dhanë asnjë koment publik.

Ndërsa pak më parë vetë Can Yaman postoi foton e parë nga Instagrami, madje edhe me një përshkrim ngacmues për çiftin e ri. “Çift i rrezikshëm” – shkruan ai pas kësaj fotoje me bukuroshen e njohur italiane.

Prej kohësh, flitet se Can udhëton shpesh drejt Italisë dhe këtë gjë, sapo e konfirmoi edhe vetë aktori. Kur u pyet herën e fundit pas zërave për një lidhje me prezantuesen italiane, Can ktheu një përgjigje të prerë: “Janë punët e mia”, por misteri nuk zgjati shumë, sepse ai vetë vendosi të zbulojë romancën e re në jetën e tij.