Avioni më “çunat e Londrës” mbërrin në Rinas, gati nisja për Kukës; Rama: Tani do votoni PD-në, apo…

Në aeroportin “Nënë Tereza” mbërriti avioni me qytetarë shqiptarë nga Anglia.

Kryeministri Edi Rama, sëbashku me ministren e Infrastrukturës Belinda Balluku kanë hipur në avion, për të sjellë emigrantët e mbërritur nga Londra në aeroportin e Kukësit.

Në Rinas ka shkuar vetë kreu i qeverisë i shoqëruar nga ministrja e Infrastrukturës, Belinda Balluku, të cilët hipën bashkë me to në avion, me destinacion përfundimtar Aeroportin e Kukësit.

Në Kukës, pritet të zhvillohet një ceremoni e rastit ku do të mbajë edhe një fjalë kryeministri Rama.

Pjesë nga takimi

Stjuadjesa: Mirë se erdhët zoti Kryeministër

Rama: Mirë si jeni?

Duartrokitet nga emigrantët e ardhur nga Angli në Rinas për të shkuar në ndalesën e fundit në Kukës

Rama: Po, për Kukës ëëë?

Emigranti: Po po!

Rama: Po si shpjegohet, u bë aeroporti ë

Emigranti: U bë, u pa puna.

Rama: U pa puna ë, jo do votosh PD tani s’ka diskutim.

Emigranti: Gjë e bukur është bërë.

Rama: Jo unë flas për ty, se ti s’ke besuar

Emigranti: E mbajte premtimin aman.

Rama: Po mos rrini dy veta afër mo vëlla se e keni me vende të ndara, ti që e kthen kokën andej dil këtej, rri në një rresht që është bosh se kështu e kemi bo. Në rregull, gati jeni të gjithë ju, tani vazhdo se ne po nisemi.