Çfarë duhet dhe s’duhet të bësh gjatë takimit të parë me prindërit e tij

Një nga situatat më të sikletshme kur lidhja kalon në tjetër nivel është takimi me prindërit e tij/saj. Takimet e para shoqërohen gjithmonë me ndrojtje, aq më tepër kur bëhet fjalë për vjehërrit. A do t’i pëlqesh? Çfarë do të mendojnë për ty?

Mendime të tilla janë normale dhe pse s’ka asgjë për t’u shqetësuar pasi në fund të ditës po del thjesht me njerëz, që qëllojnë të jenë prindërit e njeriut më të afërt. Sidoqoftë, nëse ju duhen ca këshilla që takimi të shkojë perfekt dhe të lini përshtypjet më të mira, i gjeni më poshtë. Ç’duhet të bëni dhe çfarë jo.

Çfarë s’duhet:

1. Përpiquni të mos tregoni shumë afrimitet hapur që në fillim të takimit. Mund t’i vini prindërit e tij në siklet. Thjesht mendoni prindërit tuaj dhe mos bëni gjëra që s’do të donit që ai t’i bënte në prani të tyre aq herët.

2. Qëndroni larg temave që priren të krijojnë debate. Si bisedat e politikës, besimi fetar, shëndeti, etj, etj. Zhgjidhni biseda me energji pozitive dhe flisni për to.

Çfarë duhet të bëni:

1. Flisni për fëmijërinë e partnerit. Prindërit janë gjithmonë gati të tregojnë për fëmijët e tyre dhe ju kështu mësoni më shumë. Pyetini për histori interesante nga fëmijëria. Përveç të tjerave, ata do të jenë të kënaqur që po tregoni interes për të tilla gjëra.

2. Një dhuratë e vogël është gjithmonë ide e mirë. Mund të pyesni të dashurin tuaj se çfarë mund t’i pëlqejë më shumë atyre. Janë gjestet e vogla që mbesin për shumë gjatë në kujtesë dhe krijojnë atë që ne quajmë përshtypje e parë.

3. Vishuni thjesht, por zgjidhni rroba që ju përfaqësojnë. Eshtë e rëndësishme të ndiheni mirë dhe të jeni vetja.

4. Kërkojini të dashurit t’ju tregoj më shumë rreth tyre. Nëse ata kuptojnë që ti di gjëra, do të ndihen më mirë dhe asnjëra nga palët s’do të jetë nervoze.

5. Tregoji për veten, familjen, çfarë të pëlqen, etj, etj.

6. Bëj ndonjë kompliment, por sigurohu të jetë organike. Thuaji çfarë të pëlqen vërtet tek ta, por ruani masën dhe mos e teproni.

7. Më e rëndësishmja është të jeni vetja. Mos pretendoni të jeni ajo që s’jeni. S’do t’ju çojë askund!

Burimi: Bright Side