Diell dhe temperatura të larta, ja parashikimi i motit për sot

Në vendin tonë pritet një mot i kthjellët me temperatura të larta i alternuar me vranësira. Në zonat malore vranësirat do të jenë më të denduar duke mos përjashtuar mundësinë për reshje në intervale të shkurta kohore.

Sipas Meteoalb, sot temperaturat do të pësojnë një rritje të lehtë, ku do të variojnë: në zonat malore, nga 20º në 31ºC, në zonat e ulëta nga 25ºC në 38ºC dhe në zonat bregdetare nga 27°C në 39ºC.

Era do të fryejë në drejtim Veriperëndimor ndërsa forca e valëzimit në det do të jetë 2-3 ballë.