Durrës – Familja që jeton në varfëri dhe frikë në banesën e rrënuar

Varfëria që ka pllakosur një familje, e cila jeton në një banesë thuajse të rrënuar në zonën e Plepave në Durrës, ka bërë që jeta e anëtarëve të saj të jetë çdo ditë e rrezikuar. Banesa mund të shëmbet nga dita në ditë, ndërkohë që njerëzit nuk kanë mundësi për ta mirëmbajtur atë. Apeli që ata bëjnë i drejtohet institucioneve të shtetit, që të ofrojnë çdo asistencë të mundshme për gjetjen e një strehimi alternativ. Në këto ditë vere, ku edhe tërmetet nuk kanë munguar, familja e varfër jeton me frikën e fatkeqësisë që mund të ndodhë në çdo çast.