Edhe pse i fitoi zgjedhjet në Bullgari, Borissov nuk do të jetë sërish kryeministër

Pasi fitoi zgjedhjet parlamentare, kryeministri shumëvjeçar bullgar, Boyko Borissov njoftoi se nuk do të kandidonte për një mandat të ri.
Megjithëse fitoi zgjedhjet, partia GERB nuk e ka shumicën për të formuar qeverinë e re.
Partia ka qenë në pushtet në Bullgari për pjesën më të madhe të dekadës së kaluar, por humbi një të pestën e vendeve në zgjedhjet e 4 prillit mes pakënaqësisë publike për korrupsion që rezultoi në ndarje në parlament.

Borissov konfirmoi se GERB do të fillojë bisedimet me partitë e tjera në mënyrë që të përpiqet të marrë mbështetje mjaft të fortë për formimin e qeverisë sa më shpejt të jetë e mundur.
“Nuk është e drejtë të ndash kombin, kështu që unë do të propozoj një kandidat tjetër për kryeministër të orientuar drejt BE-së dhe NATO-s”, tha ai në një bisedë me gazetarët, por nuk pranoi të tregonte emrin e kryeministrit të ri.

Nëse GERB dështon të formojë një qeveri, mandati do t’i jepet partisë së re të prezantuesit televiziv Slava Trifonov, e cila është anti-sistemike, në të kundërtën do të ketë zgjedhje të reja.