Këshilla e mjekëve: Mënyra efikase si ta largoni temperaturën e lartë

Antipiretikët janë ilaçe të cilat ulin në mënyrë efikase temperaturën e ngritur te bebet

Ibuprofemi dhe paracetamoli janë dy preparate më shpesh të përdorura.

Ibuprufeni merret në mënyrë orale, ndërkaq paracetamoli mund të merret edhe si supozitor, transmeton Telegrafi.

Intervali i zakonshëm i dozimit– distanca kohore midis dy dozave të të njëjtit ilaç është gjashtë orë. Kur temperatura është e lartë dhe shpesh “ngrihet”, ai interval mund të shkurtohet në katër orë.

Kjo do të thotë që ilaçi i njëjtë mund t’u jepet maksimalisht gjashtë herë brenda 24 orëve.

Natyrisht, është e nevojshme të respektohet dozimi, të cilin më së miri është ta precizojë pediatri.

Bashkë me ilaçet rekomandohet edhe freskimi i bebes – veshja e lehtë dhe dushi në ujë të vakët.

Ibuprufeni dhe paracetamoli te bebet mund të kombinohen, kur temperatura është e lartë dhe ngrihet shpesh.

Fjala është për dy ilaçe të ndryshme, të cilat eliminohen në mënyra të ndryshme, ndërsa kanë efekt të ngjashëm kur është fjala për uljen e temperaturës.

Natyrisht, edhe te kombinimet e këtyre ilaçeve patjetër duhet të kihet kujdes për dozën dhe distancën midis dy dozave.

Më së miri është t’u jepet në mënyrë alternative brufeni dhe paracetamoli – në çdo katër orë, ndërkaq çdo dhënie më e shpeshtë (me distancën më të vogël se katër orë) do të duhej ta precizojë pediatri.