Kryemadhi paralajmëron dosjet që do të tronditin Partinë Socialiste: Po ua bëjmë gati prokurorëve

Kryetarja e LSI-së Monika Kryemadhi u shpreh se LSI po i bënë gati dosjet prokurorisë lidhur me ato që i quajti si afera me inceneratorët.

Ajo paralajmëron se ky kalvar do të marrë fund në 25 prill.

“Për të qenë korrekt dhe të saktë me opinionin publik, ne po ua bëjmë gati dosjet prokurorëve, duke u evidentuar edhe ligjet të cilat janë shkelur në rastin e inceneratorët. Këtë gjë do ta bëjmë edhe me tenderin e pishave që janë tharë në autostradën Tiranë-Durrës.

Ekranet janë të uzurpuara dhe ministritë nuk të japin informacion, edhe pse ajo është e kundraligjshme. Ky kalvar do të marrë fund në 25 prill. Dosjet do të jenë atje për drejtësinë”, tha Kryemadhi për Ora News.