Horoskopi i Paolo Fox është një mundësi për t’u informuar për të reja që lidhen me botën e astrologjisë, kalimet e planetëve të rëndësishëm dhe ngjarjet më me ndikim astral. Çdo ditë astrologu i dashur italian sjell pasqyrën astrologjike për dashurinë, punën dhe shëndetin për të dymbëdhjetë shenjat e zodiakut që sillen nga noa.al përmes transkriptimit të transmetimit radiofonik në radio Lattemiele.
Dashi: Sipas horoskopit të Paolo Fox, nesër do të jetë një ditë tjetër stimuluese në të cilën mund t’i përkushtoheni projekteve të reja, bashkëpunimeve të ndryshme dhe të merrni nisma të guximshme. Do të jeni në gjendje të bëni shumë për sa kohë që i menaxhoni me kujdes impulsitetin dhe stimujt tuaj. Lipset më shumë arsyetim dhe më pak impulsivitet.
Demi: Nesër një Hënë e bukur do t’ju mbushë me energji të re. Këto ditë yjet ju ftojnë të distancoheni nga njerëzit, grupet dhe projektet që nuk janë më të mira për ju. Nga ana tjetër, që nga fillimi i vitit 2024, shumë gjëra kanë ndryshuar: është vetëm një çështje që të merret parasysh.
Binjakët: Nesër Hëna në shesh mund të sjellë disa provokime të vogla: jini të kujdesshëm. Mos vononi shumë nëse duhet të konfirmoni një marrëveshje. Yjet ju këshillojnë të bëni ca më pak gjëra, por një që bëni ta bëni më mirë, përndryshe rrezikoni të mbingarkoni veten me shumë gjëra dhe të lini mënjanë gjërat thelbësore.
Gaforrja: Nuk ka mbetur shumë kohë: nga java e ardhshme disa planetë të rëndësishëm do të hyjnë në shenjën tuaj dhe shumë gjëra do të ndryshojnë. Deri në fund të muajit marrëveshjet dhe kontratat do të konfirmohen dhe do të mund të bëhen zgjedhje të një peshe të caktuar. Edhe dashuria do të kthehet në plan të parë.
Luani: Marsi tek Demi mund të zgjojë një irritim të brendshëm tek ju, të cilin do t’ju duhet të përpiqeni ta mbani larg. Mund të jetë ndoshta një bezdi e vogël fizike që keni mbi supe dhe 1ë për një farë kohe do të shtohet. Një rikuperim sentimental do të jetë i mundur gjatë fundjavës.
Virgjëresha: Siç e parashikon horoskopi i Paolo Fox, nesër Hëna do të zbresë në shenjën tuaj: lajm i mirë. Dhe nga java e ardhshme qielli do të bëhet edhe më miqësor me ju. Fatkeqësisht, Saturni mbetet në opozitë. Ndikimi i tij ka bërë që t’i jepni fund disa marrëdhënieve dhe bashkëpunimeve që mund t’ju kenë zhgënjyer.
Peshorja: Dashuria është protagoniste këto ditë. Dhe është dashuria në kuptimin më të gjerë, e cila përfshin edhe dashurinë për profesionin tuaj, miqësitë tuaja, marrëdhëniet ndërpersonale. Duhet të përfitoni prej kësaj risie dhe të krijoni njohje të reja, të përfshiheni. Fundjavë veçanërisht premtuese.
Akrepi: Ata që kanë pasur disa telashe fizike gjatë muajit të kaluar ka të ngjarë që ende nuk i kanë kapërcyer ato. Do të duhet të përpiqeni të arrini një formë më të mirë. Të gjitha zgjedhjet më të rëndësishme duhet të shtyhen deri në gjysmën e dytë të qershorit, kur yjet bëhen sërish miq.
Shigjetari: Nesër duhet të përpiqeni të mbani larg dëshirën për t’u thënë të tjerëve gjithçka që mendoni, sepse do të rrezikoni mosmarrëveshje dhe keqkuptime të reja. Kini shumë kujdes kujt i besoni: jo të gjithë njerëzit rreth jush janë seriozë dhe korrektë. Kujdes nga thashethemet!
Bricjapi: Sipas horoskopit të Paolo Fox nesër do të keni një Hënë të bukur me Marsin aktiv. Në ditët në vijim yjet do ju ftojnë ngrohtësisht që të kujdeseni më mirë për trupin tuaj, veçanërisht nëse keni akumuluar shumë stres ditët e fundit. Nuk duhet të zemëroheni për gjënë të vogël. Thjesht nuk ia vlen!
Ujori: Nesër Hëna nuk do të jetë më në opozitë: pak nga pak do ndiheni më mirë. Në këtë periudhë jeni plot me ide kreative që do t’ju duhet të përpiqeni t’i menaxhoni, pa e lënë veten të pushtoheni nga shumë axhitim dhe konfuzion. Nëse keni ndonjë problem, duhet të kërkoni këshilla të ekspertëve.
Peshqit: Nesër, me Hënën në kundërshtim, do të rrezikoni lehtësisht të thoni diçka për të cilën mund të pendoheni më vonë. Më mirë të bëni kujdes, mendoni me shumë kujdes, përpara se të jepni një përgjigje. Ata që nuk janë në formë të mirë fizike do të mund të rikuperohen gjatë fundjavës. /noa.al
