Partitë Popullore Europiane reagim të ashpër për ndryshimet Kushtetuese

Zëdhënësi i Partive Popullore Europiane Michael Gahler, reagon ashpër në lidhje me ndryshimet Kushtetuese të miratuara dje në Kuvend, me 106 vota pro.

Gahler thotë se është për të ardhur keq që partia qeverisëse prishi konsensusin me opozitën dhe ndryshoi njëanshmërisht Kushtetutën. Sipas tij, nëse Shqipëria e do vërtet anëtarësimin në BE si mund të mos pranojë këshillat e Parlamentit Europian, Komisionit dhe shteteve anëtare.

“Është për të ardhur keq dhe i shoh mjaft të diskutueshme qëllimet e vërteta që partia qeverisëse e Shqipërisë prishi konsensusin e arritur ndërkombëtarisht me opozitën dhe dje ndryshoi në mënyrë të njëanshme kushtetutën.

Është e pranueshme për askënd që qeveria Rama, e cila dëshiron hapjen e negociatave me BE, të ndryshojë në mënyrë arbitrare kodin elektoral. Nëse kjo qeveri dëshiron vërtet hapjen e negociatave me BE, si mund të mos pranojnë këshillat e Parlamentit Evropian, Komisionit Evropian dhe shteteve anëtare për një çështje kaq të ndjeshme dhe themelore për demokracinë.

Grupi i PPE do të monitorojë me kujdes veprimet e ardhshme lidhur me kodin zgjedhor dhe do të nxisë me forcë që të arrihet konsensusi me opozitën brenda Këshillit Politik.

U takon partive dhe popullit shqiptar të mbrojnë demokracinë dhe perspektivën e tyre evropiane”, shkruan zëdhënësi i Partive Popullore Europiane Michael Gahler.