Plagosje me armë, shpërthim tritoli e vrasje, Ervin Salianji reagon për ngjarjet e rënda në vend: Vrasjet e tipit mafioz ende të pazbardhura, droga e përhapur më shumë se çamçakëzi!

Deputeti i Partisë Demokratike, Ervin Salianji ka reaguar në lidhje me ngjarjet e rëndë që janë regjistruar në vend gjatë 24 orëve të fundit.

Deputeti rikujton ngjarjet e rëndë, teksa shkruan se Shqipëria është e destabilizuar nga krimi.

“Shqipëria e destabilizuar nga krimi, në vetëm 24 orë, në mes të Tiranës kërcet arma në zonën më elitare, shpërthen tritoli në mes të qytetit, vrasje makabre po në Tiranë, përleshje me thika dhe vrasje në Elbasan!

Vrasjet e tipit mafioz ende të pazbardhura, droga e përhapur më shumë se çamçakëzi!

Qeveria e dorëzuar, tanimë ka harruar edhe shoë-n dhe reagon për turp duke dhunuar gazetaren që raporton nga vendngjarja duke thelluar krimin që po bëjnë nga prepotenca që ju vjen nga paaftësia dhe lidhjet me krimin”shkruan Salianji në postimin e tij.