Rama në Bullgari, do të takohet me presidentin Radev, temat që do të diskutohen

Kryeministri Edi Rama këtë të mërkurë ndodhet në një vizitë zyrtare në Bullgari.

Rama përmes një postimi në rrjetet sociale shkruan se mëngjesin e ka nisur me një takim me Presidentin Rumen Radev ku kanë folur në lidhje me marrëdhëniet dhe zgjidhjen e ngërçit kritik mes Bullgarisë e Maqedonisë së Veriut

“Sofje – Mëngjes pune me Presidentin Rumen Radev mbi marrëdhëniet e shkëlqyera bilaterale dhe nevojën për dialog mes palëve për zgjidhjen e ngërçit kritik mes Bullgarisë e Maqedonisë së Veriut (çka momentalisht pengon edhe thirrjen e Konferencës Ndërqeveritare BE-Shqipëri)”, shkruan Rama.