Situata në Afganistan/ NATO e konfirmon: Mbi 20 persona të vdekur deri më tani

NATO ka njoftuar se të paktën 20 persona kanë mbetur të vdekur deri më tani në Afganistan.

“Kriza para aeroportit në Kabul është një tragjedi. Fokusi ynë është në evakuimin e të gjithë shtetasve të huaj sa më shpejt të jetë e mundur”, tha zyrtari, i cili dëshironte të mbetet anonim.

Turma të mëdha njerëzit ndodhen përgjatë Aeroportit të Kabulit këto ditë, me qëllimin për t’u evakuuar në Evropë dhe SHBA. Mirëpo talebanët po e bëjnë të vështirë këtë proces, pasi kontrollojnë pjesët e jashtme të Aeroportit.

“Forcat tona mbajnë një distancë të rreptë nga zonat e jashtme të aeroportit të Kabulit për të parandaluar përplasjet me talebanët”, shtoi zyrtari.