Dashi
Horoskopi i datës 26 nëntor 2024 nga Christine Haas
Sot më në fund do dilni nga situatat e vështira dhe do ndiheni shumë më të qetë nga më parë. Nëse keni një lidhje duhet vetëm të shtoni pak dozat e fantazisë dhe ta lini veten të lirë. Venusi do ju ndihmojë shumë dhe dita do kalojë për mrekulli. Partneri nuk do ngurrojë t’ua shprehë ndjenjat me çdo lloj mënyre. Ju beqarët nuk do e keni mendjen për të krijuar një lidhje, por do krijoni një ambient shumë të ngrohtë shoqëror dhe me miqtë do kaloni momente të bukura. Në punë do ju bëhen disa propozime sot dhe do ju duhet të mendoheni për të bërë zgjedhje. Për financat do përkujdeseni më tepër nga dje dhe gjendja ka për t’u përmirësuar.
Lexo Edhe:
Demi
Horoskopi i datës 26 nëntor 2024 nga Christine Haas
Venusi do ju mbrojë mjaft sot sidomos në sektorin profesional dhe do ju sjellë shumë sukses. Do jeni fitimtarë në çdo iniciativë që të ndërmerrni. Nëse keni një lidhje, sado të ngarkuar të jeni, nuk do e lini pas dore partnerin dhe do e dashuroni pa dorashka. Dialogu dhe mirëkuptimi do mbizotërojnë gjithë kohës. Ju beqarët duhet të largoni sa më parë turpin sepse do humbisni mundësi të vyera. Në punë nuk do jeni më të pavendosur dhe priten vetëm gjëra pozitive. Financat nuk duhet t’i lini pas dore sepse situata mund të përkeqësohet më shpejt nga sa mund ta mendoni.
Binjakët
Horoskopi i datës 26 nëntor 2024 nga Christine Haas
Sot do ketë ndryshime ne jetën tuaj. Bëjini sytë katër dhe mos u nxitoni. Nëse jeni në një lidhje, por u treguat inatçinj dhe po mbajtët mëri edhe për gjëra elementare nuk do i keni punët mirë me partnerin. Duhet ta kuptoni se jeta mund të ketë edhe vështirësi, por gjërat duhen marrë me pozitivizëm. Nëse jeni beqarë nuk do ju mungojë aspak vullneti për të joshur dhe për të bërë për vete ata që pëlqeni. Në punë, përveç vetes, mos i besoni asnjë personi tjetër. Disa kolegë ndryshe nga sa do ju përgëzojnë e do ju thonë, prapa krahëve do ju shajnë dhe do mundohen t’u prishin planet. Financat do mbeten njësoj si dje.
Gaforrja
Horoskopi i datës 26 nëntor 2024 nga Christine Haas
Planetët do ju bëjnë më të vendosur sot për të marrë disa vendime të rëndësishme. Nëse keni një lidhje mund t’iu lindin herë pas here edhe kontradikta me atë që keni në krah sepse do ju refuzohen disa kërkesa. Në vend që të ngrini zërin ose tentoni të flisni hapur ose qëndroni pak kohë larg njëri-tjetrit. Ju beqarët do keni një jetë shumë të ndërlikuar dhe as nuk do keni kohë të mendoni për dashurinë. Në punë do jeni disi të paqartë për hapat që duhet të hidhni, por nuk do ndaleni asnjë moment. Nëse kishit aplikuar për diçka mund të merrni përgjigje pozitive. Në planin financiar do shpenzoni me llogari gjithë kohës dhe gjendja nuk do ketë përkeqësime.
Luani
Horoskopi i datës 26 nëntor 2024 nga Christine Haas
Hëna do jetë në kundërshti me Saturnin sot dhe do ndiheni disi të bllokuar. Nëse keni një lidhje do jeni shumë misteriozë dhe partneri nuk do e kuptojë dot se çfarë kërkoni për t’u ndier mirë. Nëse nuk flisni dhe qëndroni të mbyllur marrëdhënia juaj nuk do jetë aspak e mirë. Ju beqarët ka mundësi të takoni princin e kaltër. Zemra do ju rrahë fort, trupi do ju mpihet dhe nuk do dini çfarë të bëni. Pickoni veten, reflektoni, kërkoni mendimin e miqve dhe më pas veproni. Në punë disa kolegë do mendojnë sikur ju doni t’i bllokoni dhe mund t’iu prishin planet me projektin që keni nisur. Financat do vazhdojnë të mbeten ende të paqëndrueshme.
Virgjëresha
Horoskopi i datës 26 nëntor 2024 nga Christine Haas
Pas vështirësive të kaluara kohët e fundit sot do ndiheni shumë më të qetë dhe më të sigurt. Nëse keni një lidhje mund të ketë edhe momente dyshimi, por në tërësi dita do kalojë mirë. Mos e ndërprisni asnjë moment komunikimin. Ju beqarët do realizoni një takim mbresëlënës në mbrëmje dhe jeta do ju marrë një tjetër drejtim. Ja që ndonjëherë gjërat më të bukura ndodhin kur e lini veten të lirë. Në punë respektoni ata që janë mbi ju dhe mos u tregoni asnjë moment mendjemëdhenj. Keni për të fituar më shumë pikë dhe do ju propozohen edhe detyra më të rëndësishme. Në planin financiar mos prisni ndonjë përmirësim të situatës sepse nuk ka për të ndodhur.
Peshorja
Horoskopi i datës 26 nëntor 2024 nga Christine Haas
Neptuni dhe Hëna do ju shtojnë imagjinatën gjatë kësaj dite. Nëse keni një lidhje kjo gjë do e përmirësoje goxha marrëdhënien. Do provoni gjëra të reja dhe kur t’iu propozojë diçka partneri do pranoni ta ndiqni pa u menduar gjatë. Ju beqarët do hyni në një etapë shumë të bukur e cila do ua drithërojë zemrën dhe do ua mbushë shpirtin me gëzim. Nëse jeni në një punë të re apo sapo keni nisur një projekt të ri, do ja merrni dorën dhe do dini çfarë hapash të hidhni. Nëse jeni në fushën e financave apo menaxhimit do keni edhe më shumë sukses. Ne planin financiar do jeni ambiciozë dhe nuk do kënaqeni me aq para sa do keni nëpër duar.
Akrepi
Horoskopi i datës 26 nëntor 2024 nga Christine Haas
Për fatin tuaj të mirë sot do keni mbështetjen e Marsit që do ju shtyjë të ecni para dhe ta bëni jetën tuaj akoma më të bukur. Nëse jeni në një lidhje do i merrni me qetësi edhe disa mosmarrëveshje që mund t’iu lindin, madje mund të merrni përsipër edhe disa faje vetëm për ta qetësuar situatën. Mbrëmja në fakt do jetë shumë më e qetë dhe më e bukur. Nëse jeni beqarë do ndërmerrni sfida dhe do guxoni të njiheni edhe më tej me disa persona që do ju prezantojnë miqtë. Në punë nuk do keni dyshim tek aftësitë tuaja dhe mund të provoni veten në një projekt madhështor. Fillimi i mirë është gjysma e punës. Financat do mbeten të njëjta si dje.
Shigjetari
Horoskopi i datës 26 nëntor 2024 nga Christine Haas
Dita e sotme do jetë e mbushur me konflikte dhe debate të njëpasnjëshme Shpesh do ndiheni keq dhe do doni të shkëputeni nga gjithçka. Nëse jeni në një lidhje do keni vështirësi të shumta dhe do keni nevojë të qëndroni herë pas here vetë. Ai që keni në krah do jetë me nerva dhe nuk do pranojë të bëjë asnjë lëshim. Ju beqarët mos u dekurajoni edhe sikur të merrni refuzime sepse të paktët tentuat dhe nuk qëndruat në vend. Në punë sado që të mundoheni të arrini atje ku doni nuk do ja dilni dot sepse do keni kundër kolegët dhe disa shefa. Financat nuk do jenë të mira e për më tepër do ju kërkohet të shlyeni borxhet. Situata do jetë shumë e ndërlikuar.
Bricjapi
Horoskopi i datës 26 nëntor 2024 nga Christine Haas
Intuita do ju ndihmojë shumë sot jo vetëm për të bërë zgjedhjet e duhura, por për të shmangur debatet me konkurrentët. Nëse jeni në një lidhje do jeni të gatshëm të bëni edhe ndonjë tolerim më shumë vetëm për të shkuar mirë me atë atë që keni ne krah. Nuk do mungojë edhe ndonjë surprizë e vogël. Ju beqarët do keni dikë në mendje dhe nuk do ndaleni asnjë moment për ta bërë për vete pavarësisht se do keni konkurrentë të fortë. Në punë do jeni më të duruar dhe nuk do e lëshoni veten përballë sfidave që do iu dalin. Shpenzimet kryejini me sa më shumë maturi dhe gjithmonë me llogari.
Ujori
Horoskopi i datës 26 nëntor 2024 nga Christine Haas
Dita e sotme do fillojë mirë, por pas disa të papritura të shkaktuara nga miq hipokritë humori do ju ndryshojë. Nëse keni një lidhje do jeni edhe më të ftohtë me partnerin tuaj dhe nuk do arrini dot të riktheni emocionet. Bëni durim dhe sapo të gjeni momentin diskutoni hapur me partnerin. Ju beqarët do joshni dikë vetëm për t’i prishur punë një personi që keni inat dhe ky do jetë një gabim. Në punë tregohuni të kujdesshëm nga disa kolegë që mund t’ua punojnë mbrapa krahëve dhe mos kërkoni mendim nga askush për një projekt që keni nisur. Financat do ju bëjnë me ankth sepse do jenë goxha delikate.
Peshqit
Horoskopi i datës 26 nëntor 2024 nga Christine Haas
Mungesa e përqendrimit do ju sjellë probleme gjatë kësaj dite sidomos në planin profesional. Nëse keni një lidhje duke dashur të komandoni dhe të ruani kontrollin me çdo kusht mund ta acaroni partnerin. Ai do ketë nevojë për më shumë liri dhe pavarësi. Nëse jeni beqarë nuk do tundoheni aspak për të krijuar një lidhje dhe do refuzoni çdo lloj ftese që do ju bëhet. Në punë do jeni shumë të shpërqendruar dhe nuk do arrini dot te realizoni asnjë nga objektivat që i kishit vënë vetes. Në planin financiar mund t’iu duhet edhe të merrni edhe disa masa strikte që situata të normalizohet.
