Thyen xhamat e lokalit dhe u përleshën me policët, arrestohen dy vëllezër në Dibër

Dy vëllezër janë arrestuar nga Policia e Dibrës, për shkak se kanë thyer xhamat e një biznesi privat, dhe kanë kundërshtuar policinë gjatë arrestimit. Vëllezërit e arrestuar janë Bastri Sula dhe Sabri Sula, të cilët akuzohen për veprat penale ‘Shkaterrim prone’ dhe ‘Kundershtim i punonjesit te policise se rendit publik’.

Njoftimi i policisë:

Thyen xhamat e një biznesi privat si dhe kundërshtuan punonjësit e Policisë gjatë shoqërimit në Komisariat, vihen në pranga 2 vëllezër.

Nga specialistët për Hetimin e Krimit në Komisariatin e Policisë Dibër u bë arrestimi në flagrancë i shtetasve: B. S., 29 vjeç dhe S. S., 22 vjeç, banues në Dibër(vëllezër).

Arrestimi i tyre u bë pasi në qytetin e Peshkopisë, për motive të dobëta kanë thyer xhamat e një biznesi privat ‘Bar-Restorant’, dhe gjatë ndërhyrjes së shërbimeve të policisë  për shoqërimin në komisariat të tyre, dy vëllezërit  kanë kundërshtuar punonjësit e policisë duke i penguar në kryerjen e detyrave të tyre funksionale.

• Materialet procedurale i kaluan Prokurorisë Pranë Gjykatës së Shkallës së Parë  Dibër, për veprat penale “Shkatërrim prone”, dhe “Kundërshtimi i punonjësit të policisë së rendit publik”.