Policia e Durrësit ka reaguar ne lidhje me vdekjen e 29-vjeçares Ardita Hersi (Muça), banuese në Shkallnur.
Në njoftimin e policisë thuhet se 29-vjeçarja ka mbërritur pa shenja jete në spital, mbrëmjen e së hënës.
Sipas policisë, trupi i viktimës ndodhet në morgun e spitalit për t’iu nënshtruar një ekspertize mjeko ligjore më të specializuar.
NJOFTIMI I POLICISË:
Durrës
Më datë 05.07.2021, rreth orës 20:00, jemi njoftuar se ka mbërritur pa shenja jete në spitalin rajonal Durrës shtetësja A. H., 29 vjeçe, banuese në Shkallnur.
Trupi i viktimës ndodhet në morgun e spitalit për t’iu nënshtruar një ekspertize mjeko ligjore më të specializuar
Materialet i kaluan Prokurorisë së Rrethit Gjyqësor Durrës për veprime të mëtejshme dhe grupi hetimor po punon për zbardhjen e ngjarjes.
