Radhë të gjata janë shënuar mëngjesin e sotëm në ambientet ISHSH, ku qytetarët janë paraqitur për të kryer tamponin dhe për të parë nëse janë të infektuar me Covid-19.
Mungesa e tamponëve dhe radha e krijuar ka irrituar qytetarët dhe ka shkaktuar kaos.
Prej orës 8 të mëngjesit qytetarët janë grumbulluar dhe kanë pritur për orë të tëra për të bërë tamponin, por sërish nuk kanë mundur për shkak të mungesës së tyre.
Një qytetar u shpreh për SYRI TV se prej ditësh ka bërë kërkesë për të bërë tamponin, por kjo gjë nuk ka ndodhur.
Mjeku i familjes ka dërguar kërkesën në ISHSH, por ky institucion nuk po jep asnjë zgjidhje. tpz.al
