Kanë dal në dritë detaje të reja nga vrasja e Shkëlzen Kastratit të hënën e 1 shkurtit në Fier.
Burimet bëjnë me dije se makina Range Rover e cila u gjetur në afërsi të vendit ku po ndërtohet spitali rajonal në Fier, ishte me targa greke.
Uniformat blu ende nuk kanë zbuluar mënyrën se si ka arritur të futet në territorin shqiptar. Edhe në momentin që iu vu flaka pasi u bë vrasja e Shkëlzen Kastratit, makina Range Rover ishte me targa greke të rregullta.
Mbrëmjen që lamë pas, policia e Fierit ka sekuestruar në Kamëz një automjet tip Audi për të cilin dyshohet se autorët janë larguar pasi dogjën makinën Range Rover me targa greke.
Identifikimi i saj është bërë nga kamerat e sigurisë të cilat kanë arritur të regjistrojnë pjesë nga ngjarja.
Sakaq, deri tani janë shoqëruar 8 persona të cilët dyshohet se kanë lidhje me vrasjen e 42-vjeçarit.
Mes të arrestuarve është edhe pronari i makinës që u sekuestrua në Kamëz. Mësohet se ai ka thënë se e kishte shitur makinën, por nuk ka bërë akt shitje, duke treguar edhe emrin e personit që e ka blerë atë.
Tashmë ky i fundit është shpallur në kërkim nga policia. Pasi i është marrë deklarimi pronari i Audit është lënë i lirë nga uniformat blu. Kontrollet për persona të dyshuar si të përfshirë në ngjarje janë kryer edhe Durrës, periferitë e Fierit dhe në disa zona të Vlorës
