Rusia riafirmoi pozicionin e saj se marrëveshja mbi zgjidhjen e paqes Kosovë/Serbi duhet të miratohet nga Këshilli i Sigurimit i Kombeve të Bashkuara, njoftoi Kremlini pas një bisede telefonike midis Presidentit rus Vladimir Putin dhe presidentit serb Aleksandar Vuçiç.
Të dy udhëheqësit shkëmbyen mendime mbi çështjet aktuale në lidhje me çështjet bilaterale dhe ndërkombëtare, njoftoi Kremlini.
Vuçiç e informoi Putinin për vlerësimet e tij për situatën aktuale në zgjidhjen e paqes në Kosovë.
Vuçiç ishte të hënën në Paris dhe tha se Franca mund të ndihmojë në zgjidhjen e çështjes së Kosovës. Presidenti francez Emmanuel Macron vlerësoi guximin e homologut të tij për të propozuar disa herë “zgjidhje inovative”.
Sidoqoftë, Moska nuk është e lumtur sepse është e përjashtuar nga diskutimet mbi çështjen e Kosovës dhe po përpiqet të transferojë bisedimet në Kombet e Bashkuara.Gz shk
