Mjekja nutricioniste, Albana Daka ka dhënë ditën e sotme disa këshilla lidhur me yndyrën e lartë në gjak.
E ftuar në emisionin “Abc-ja e Mëngjesit”, ajo u shpreh ushqimet që duhet të shmangen për luftuar yndyrën në gjak janë mishi i kuq, bulmetrat dhe padyshim alkooli.
Daka rekomandoi përdorimin e perimeve, frutave dhe aktivitetin fizik.
“Ushqimet që japin një efekt për yndyrën në gjak apo konsumimi i alkoolit, pasi ai kur futet në organizëm shndërrohet në yndyrna.
Padyshim ne i konsultojmë që të ulin konsumin në mishin e kuq dhe bulmetrat. Nëse dikur ndodhte që dominonin këto lloj ushqimesh, sot pjata traducionale është e ndarë në katër pjesë me perime, fruta dhe një pjesë kanë edhe bulmetrat sigurisht. Normalisht që edhe ecja ndihmon në uljen e yndyrërave.
Prandaj unë rekomandoj ecjen, pra aktivititin fizik”.
Më tej, mjekja theksoi se moshat më të prekura kryesisht nga yndyrërat në gjak, tek burrat 30-35 vjeç ndërsa te femrat bëhet fjalë për moshën e mesme.
“Kryesisht në moshat e reja për yndyrërat në gjak dominojnë burrat, ndërsat gratë e moshës së mesme mbi 40-vjeç. Burrat fillojnë nga 30-35 vjeç”.
